மத்தியஸ்த செயற்பாடு
1988 ஆம் ஆண்டின் மத்தியஸ்த சபைகள் சட்டமூலம் மற்றும் அதன் பின்னர் ஏற்படுத்தப்பட்ட திருத்தங்கள் என்பவற்றின் பிரகாரம் இலங்கை மத்தியஸ்த சபைகளினால் பிணக்குகளைத் தீர்க்கின்ற செயற்பாடுகளே முதன்மையான பணிகளாக மேற்கொள்ளப்படுகின்றன.
பிணக்குகளுக்கு உட்படுகின்ற சாரார் மத்தியஸ்த சபைக்கு விண்ணப்பம் ஒன்றினைச் சமர்ப்பித்து மத்தியஸ்த சேவையினைப் பெற்றுக் கொள்ளலாம்.. பொதுவாக மத்தியஸ்த சபைகளுக்கு கீழ்க் குறிப்படப்படுகின்ற 4 முறைகளில் ஏதாவது ஒன்றின் அடிப்டையிலேயே தகராறுகள் சமர்ப்பிக்கப்படுகின்றன.
- தரப்பினர்களுக்கு தாமாகவே தங்களது தகராறுகளை மத்தியஸ்த சபைகளுக்கு முன்வைக்கலாம்.
- ரூபா 1,000,000 இற்கு அதிகரிக்காத சொத்து, கடன், சேதம், கோரிக்கைகள் தொடர்பிலான சிவில் பிரச்சினைகள் கட்டாயமாக மத்தியஸ்த்த்திற்கு சமர்ப்பிக்க வேண்டும் என்பதாக சட்ட நடைமுறை காணப்படுகின்றது. இதில் விதிவிலக்குகளும் உண்டு
- சொத்துக்கள் தொடர்பான குற்றச்செயல்கள், அடித்தல், அத்துமீறல், அவமானப்படுத்தல் போன்ற கிரிமினல்.குற்றச் செயல்களும் மத்தியஸ்த சபையில் சமர்ப்பிக்கப்படலாம்.
- இரண்டு தரப்புகளும் உடன்படுமிடத்து நீதிமன்றத்தில் விசாரிக்கப்படுகின்ற வழங்கு ஒன்றினை மத்தியஸ்த்த சபைக்கு சமர்ப்பிப்பதற்கு கோரிக்கை விடுக்கலாம். இந்த சந்தர்ப்பத்தில் குறித்த விடயமானது நீதிமன்றத்திற்கு பிரச்சினையாக அமையக்கூடாது என்பது கருத்தில்கொள்ளப்படும்.
இவ்வாறு தகராறு ஒன்று மத்தியஸ்த சபைக்கு சமர்ப்பிக்கப்படும் போது மத்தியஸ்த சபையானது மத்தியஸ்தர்கள் மூன்று பேர்களைக் கொண்ட குழுவை அமைத்து குறித்த தகராறினை அந்தக் குழுவிடம் ஒப்டைக்கும். மத்தியஸ்த செயற்பாட்டுக்கு தேவையான வசதிகளை ஏற்படுத்தலும் சமூகத்தில் சமாதானத்தையும் நல்லிணக்கத்தையும் ஏற்படுத்துவது மத்தியஸ்த சபையின் பொறுப்புகளாகக் காணப்படுகின்றதன.. அத்துடன் குறித்த தகராறுக்கு உட்பட்டவர்கள் இரு தரப்பினரும் ஏற்றுக் கொள்ளத்தக்க தீர்வு ஒன்றினை அடைவதற்காக ஒத்தாசை புரிவதும் அவர்களின் பொறுப்புக்களில் உள்ளடங்குகின்றது.
பொதுவாக தகராறுகளை 1 முதல் 4 மத்தியஸ்த அமர்வுகளில் சமரசரம் செய்து வைப்பதற்கு முடிவதுண்டு. மத்தியஸ்த சபைகள் வார இறுதி நாட்களில் விகாரைகள், பாடசாலைகள், சமூக மத்திய நிலையங்கள், போன்ற பொதுவான இடங்களில் நடைபெறுவதுண்டு. எனினும் சில தகராறுகளை சமரசம் செய்யும் போது தனிப்பட்ட இரகசியங்கள் பாதுகாக்க வேண்டிய நிலை ஏற்படுமாயின். அதற்கு பொருத்தமான விசேட இடங்கள் தெரிவு செய்யப்படுவதுண்டு. இங்கு தகராறுக்கு உட்பட்டவர்களுக்கு சட்ட உதவிகள் என எதுவும் வழங்கப்படுவதில்லை என்பதுடன் குறிப்பிட்ட இரண்டு சந்தர்பங்களைத் தவிர மத்தியஸ்த நடவடிக்கைகளில் தகராறு ஏற்படுத்தியவர்கள் சார்பாக தோன்றுவதற்கு எந்த ஒருவருக்கோ அல்லது வழங்கறிஞர்களுக்கோ அனுமதி வழங்ககப்படக்கூடாது என்பதாக மத்தியஸ்த சட்டமூலத்தில் குறிப்பிடப்பட்டுள்ளது. மேற்படி விதிவிலக்கான இரண்டு சந்தர்ப்பங்கள் வருமாறு
- வாழ்க்கைத் துணைவர் ஒருவருக்காக மற்றவர் தோன்றலாம்
- பருவ வயதை அடையாத ஒருவருக்காக அல்லது ஏதேனும் விசேட தேவை உடையவர்களுக்காக அவர்களது பெற்றோர், அல்லது பாதுகாவலர்கள் தோன்றலாம்
மத்தியஸ்த சபையில் முன்வைக்கப்படுகின்ற தகராறுகள் வெற்றிகரமாக சமரசம் செய்து வைக்கப்படும் போது சமரசம் செய்யப்பட்டதற்கான சான்றிதழ் சம்பந்தப்பட்டவர்களுக்கு வழங்கப்படும். அத்துடன் மத்தியஸ்தம் உடன்பாட்டுக்கு வர மிடியாத நிலை ஏற்படும் போது மத்தியஸ்தம் செய்யப்படவில்லை என்றதற்கான சான்றிதழ் ஒன்று சமபந்தப்பட்டவர்களுக்கு வழங்கப்படும். அத்துடன் குறித்த தரப்பினர்களுக்கு குறித்த விடயம் தொடர்பாக வழக்கு ஒன்றினைத் தொடர்வதற்கான வாய்ப்பு ஏற்படுத்திக் கொடுக்கப்படும். தமது தகராறு ஒன்றினை மத்தியஸ்த சபை ஊடாக மத்தியஸ்தம் செய்து கொண்டவர்களில் ஒரு தரப்பினர் தாம் உடன்பட்ட விடயங்கள் தொடர்பில் ஏதாவது ஒரு சந்தர்ப்பத்தில் மாற்றமாக நடந்து கொள்ளுமிடத்து அல்லது மத்தியஸ்தம்’ தொடர்பான உட்பாடுகளை மீறுமிடத்து, அது தொடர்பில் அடுத்த தரப்பினர் மத்தியஸ்த சபைக்கு அறிவிக்க வேண்டும் என்பதாக 1988 ஆம் ஆண்டு மத்தியஸ்த சபைகள் சட்டத்தில் குறிப்பிடப்பட்டுள்ளது.