மத்தியஸ்த சபைகள் ஆணைக்குழு என்பது 1988 ஆம் ஆண்டின் மத்தியஸ்த சபைகள் சட்டமூலத்தின் கீழ் நிறுவப்பட்ட சுயாதீன நிறுவனமாகும். மத்தியஸ்த ஆணைக் குழுவில் 5 பேர்கள் அங்கம் வகிக்க வேண்டும் எனவும் அவர்களில் மூவர் உயர் நீதிமன்றத்தின் ஓய்வுபெற்ற நீதிபதியாக இருக்கவேண்டும் எனவும் யாப்பில் குறிப்பிடப்பட்டுள்ளது.

மத்தியஸ்த சபைகள் ஆணைக்குழுவானது (MBC) மத்தியஸ்த செயற்பாட்டினை மேற்கொள்கின்ற அதேநேரம் அதற்கான நிர்வாக ரீதியானதும் கொள்கை ரீதியானதுமான பங்களிப்பு நீதி அமைச்சின் மூலமாக வழங்கப்படுகின்றது. தற்போதளவில் 329 மத்தியஸ்த சபைகளும் 16 காணி தொடர்பான மத்தியஸ்த சபைகளும் மத்தியஸ்த சபைகள் ஆணைக்குழுவின் கீழ் இயங்கி வருகின்றது.

மத்தியஸ்த ஆணைக் குழுவிடம் காணப்படுகின்ற அதிகாரங்களும் பொறுப்புக்களும் பின்வருமாறு

• மத்தியஸ்த சபைகளுக்கான மத்தியஸ்தர்களை நியமித்தல், இடமாற்றம் வழங்கல், சேவையிலிருந்து நீக்குதல், மற்றும் ஒழுக்காற்று நடவடிக்கைள் தொடர்பான விடயங்களை மேற்கொள்ளல்.
• மத்தியஸ்தர்களின் கடமைகள் மற்றும் பொறுப்புக்கள் தொடர்பில் மதிப்பீடு செய்தலும் மேற்பார்வை செய்தலும்.
• மத்தியஸ்தர்களின் கடமைகள் மற்றும் பொறுப்புக்கள் தொடர்பாக மத்தியஸ்தர்களுக்கு தேவையான ஆலோசனைகளை வழங்குதல்

மத்தியஸ்த பயிற்றுவிப்பு உத்தியோகத்தர்கள் (MTOs) என்போர் நீதி அமைச்சின் விடயப் பரப்பிற்கு உட்பட்வர்களாக இருப்பதுடன் அரச நிர்வாக சேவையின் ஒரு பகுதியினராகவும் காணப்படுகின்றனர். மத்தியஸ்தர்களுக்கான பயிற்சிகளை வழங்குவதும் மத்தியஸ்த செயற்பாடுகளை மேற்பார்வை செய்வதும் இவர்களது பிரதான பொறுப்புகளாகும். சில சந்தர்ப்பங்களின் போது மத்தியஸ்த பயிற்சி உத்தியோகத்தர்களினால் சமூக மத்தியஸ்த செயற்பாடு குறித்து பொதுமக்களுக்கு தெளிவுபடுத்துவதற்கான நிகழ்ச்சிகளும் நடாத்தப்படுகின்றது.

தேவை ஏற்படுகின்றபோது மத்தியஸ்த பயிற்றுவிப்பு உத்தியேகத்தர்கள் தேவைகளுக்கு ஏற்ப தங்களது திறன்களையும் அறிவு மட்டத்தையும் விருத்தி செய்வதற்காக உரிய பயிற்சிகளையும் பெற்றுக் கொள்கின்றனர், இந்த நோக்கத்திற்காக பால்நிலை, பல்வகைமை, மத்தியஸ்த சபை முகாமைத்துவம், தகவல்கள் சேகரித்தல் போன்ற பரந்த அளவிலான தலைப்புக்களில் உள்நாட்டு மற்றும் வெளிநாட்டு மத்தியஸ்த நிபுணர்களின் மூலமாக மத்தியஸ்த பயிற்றுவிப்பு உத்தியேகத்தர்கள்களுக்கான விசேட பயிற்சிகள் வழங்கப்படுகின்றன. மத்தியஸ்தம் தொடர்பாக காணப்படுகின்ற சட்டதிட்டங்கள் குறித்தும். )விசேட மத்தியஸ்த நடவடிக்கைகளில் காணப்படுகின்ற) விடயப்பரப்பு தொடர்பிலும் உரிய அறிவினைப் பெற்றிருப்பதன் அவசியம் குறித்து அவர்களுக்கு உணர்த்தப்பட்டுள்ளது.

மத்தியஸ்த சபைகள் ஆணைக்குழுவின் நடவடிக்கைகளுக்கு ஒத்தாசை வழங்கப்படுகின்ற செயற்பாடு மத்தியஸ்த அபிவிருத்தி உத்தியோகத்தர்களினால் மேற்கொள்ளப்படுகின்றது.. இந்தப் பணியினை மேற்கொள்வதற்காக இலங்கையில் உள்ள அனைத்து பிரதேச செயலகங்களிலும் இந்த வகையான உத்தியோகத்தர்கள் கடமையில் அமர்த்தப்பட்டுள்ளனர். மேற்குறிப்பிட்ட பிரதான பணிக்கு மேலதிகமாக உரிய தகவல்களைச் சேகரித்தல், மத்தியஸ்தம் தொடர்பான விழிப்புணவு வழங்குதல் என்பவற்றையும் மேற்கொள்ளகின்றனர். மத்தியஸ்த அபிவிருத்தி உத்தியோகத்தர்கள் மத்தியஸ்த பயிற்றுவிப்பு உத்தியோகத்தரகளுடனும் மத்தியஸ்த செயற்திட்ட உத்யோகத்தர்களுடனும் இணைந்து மத்தியஸ்தம் தொடர்பான முன்னேற்றங்களைக் காண்காணிக்கின்ற செயற்பாட்டிற்கும் பங்களிக்கின்றனர்.

பிணக்குகளை ஏற்படுத்திக் கொண்டவர்கள் தங்களுக்கிடையே கலந்துரையாடும் போது அதற்கான வசதிகளை வழங்கும் மூன்றாவது தரப்பினராக மத்தியஸ்தர்கள் செயற்படுகின்றனர். குறித்த இரண்டு தரப்பினர்கள் தங்களது எதிர்பார்ப்புக்களையும் தேவைகளையும் இனங்காண்பதற்கும் அவர்கள் எதிர்பார்க்கின்ற அடிப்படையிலான சுமூகமான தீர்வுகளை அடைந்துகொள்வதற்கும் ஒத்தாசை வழங்கி அவர்களுக்களை வழிநடத்துவது மத்தியஸ்தர்களின் பிரதான பணியாகும்.

இலங்கையில் மத்தியஸ்த செயற்பாட்டுகளில் தன்னார்வமாக இணைந்து கொண்டுள்ள மத்தியஸ்தர்களின் தொகை 8500 இனைத் தாண்டியிருக்கின்றது. மத்திய ஸ்தர்களுக்காக நீதி அமைச்சினால் அவசியமான பயிற்சிகள் ஏற்பாடுசெய்யப்படும். மத்தியஸ்த பயிற்றுவிப்பு உத்தியோகத்தர்களினால் நடாத்தப்படுகின்ற திறன்கனை விருத்தி செய்வதற்கான 5 நாட்கள் கொண்ட பயிற்சிநெறியில் பங்குகொள்கின்றவர்கள் மத்திரமே மத்தியஸ்தர்களாக நியமனம்பெறத் தகுதியானவர்களாவர். ஒவ்வொரு மூன்’று வருடங்களுக்கு ஒரு முறையும் மத்தியஸ்த சபைகள் அமைக்கப்படும்போது இந்த பயிற்சிச் செயலமர்வுகள் நடாத்தப்படுவதுடன் பயிற்சியின் முடிவில் உரிய தகைமைகளைப் பூர்த்தி செய்கின்றவர்கள் மத்தியஸ்தர்களாக நியமிக்கப்படுகின்றனர்.

மத்தியஸ்த சபைகளின் பணிகளுக்காக மத்தியஸ்தர்கள் நியமிக்கப்படும் போது மிக நீண்ட செயன்முறை ஒன்று பின்பற்றப்படுகின்றது. அந்த செயன்முறை கீழே விளக்கப்படுகின்றது.