ඉඩම් ආරවුල් සාමාන්‍ය සංසිද්ධියක් වන අතර එය ප්‍රජා සමථකරණය යටතට ගැනුණි. කෙසේ වුවද, පුරවැසියන් සහ රජය අතර ඉඩම් සම්බන්ධ ආරවුල් ඉහළ යාමත්, උතුරු නැගෙනහිර ඉඩම් අයිතිය සම්බන්ධයෙන් පවත්නා ගැටුම් නිසාත්, එවැනි ඉඩම් ආරවුල් විසඳීම සඳහා විශේෂ ඉඩම් සමථ මණ්ඩල පිහිටුවීමේ අවශ්‍යතාවයක් මතු විය.
දැනට යාපනය, කිලිනොච්චිය, වව්නියාව, මන්නාරම, මුලතිව්, මඩකලපුව, ත්‍රිකුණාමලය, අම්පාර, අනුරාධපුර, පොළොන්නරුව, හම්බන්තොට, ගම්පහ, කොළඹ, කුරුණෑගල, මහනුවර සහ රත්නපුර යන දිස්ත්‍රික්කවල ක්‍රියාත්මක වන විශේෂ ඉඩම් සමථ මණ්ඩල ගණන දහසයකි (16). 2021 වසරේදී ඉඩම් සමථ මණ්ඩල වෙත යොමු කිරීම සඳහා හේතු වන මුල්‍ය ආරවුල්වල අගය රුපියල් මිලියනයකට (රු. 1,000,000) අඩු ඕ නෑම අගයක් වන ලෙස නීති සම්පාදනය කරන ලදී.
ඉඩම් ආරවුල් සඳහා ස්ථාපනය කළ මෙම විශේෂ සමථ මණ්ඩල මගින් නීතිමය හෝ පරිපාලනමය ක්‍රමවේද තුළින් වඩාත් විධිමත් වූ විසඳුම් ලබාදීම අමතර වාසියකි. එමෙන්ම ඒවාට සමථකරණයෙන් විසඳා ගැනීමට නොහැකි වූ ඉඩම් ආරවුල් වෙනත් තීරණ ගැනීමේ බලාධිකාරයන් වෙත යොමු කිරීමේ හැකියාව ද පවතී.
