පාසල් සමථකරණය යනු ආරවුල් සාමකාමීව සහ අර්ථාන්විතව විසඳීමට අවශ්‍ය කුසලතා සහ දැනුම දරුවන්ට ලබා දීමටත්, ගැටුම් නිරාකරණය කිරීමේදී ඵලදායී සන්නිවේදනයේ, සාකච්ඡාවේ සහ සම්මුතියේ වැදගත්කම අවබෝධ කර දීමටත් සැලසුම් කර ඇති වැඩසටහනකි. පාසල් සමථකරණ වැඩසටහන දිවයින පුරා පළාත් සහ දිස්ත්‍රික්කවල සමථ වැඩසටහන් නිලධාරීන් හරහා ක්‍රියාත්මක වන අතර ගැටුම් නිරාකරණය කිරීමේ ක්ෂේත්‍රයේ පුරවැසියන් සහ ප්‍රජා නායකයින් ලෙස සක්‍රීයව සහභාගී වීමට හෙට දිනයේ තරුණ තරුණියන්ට හැකි වේ.
සමථකරණය යනු ආරවුල් විසඳීමේ මෙවලමක් ලෙස සන්නිවේදනය භාවිතා කරන ආරවුල් විසඳීමේ සාර්ථක යාන්ත්‍රණයකි. පාසල් සිසුන් අතර පුද්ගලික සහ සමාජීය සංවර්ධනය ප්‍රවර්ධනය කිරීම සහ ස්ථාපිත විකල්ප ආරවුල් විසඳීමේ (ADR) ශිල්පීය ක්‍රම පිළිබඳ ඔවුන්ගේ අවබෝධය වැඩි දියුණු කිරීම සඳහා අධ්‍යාපන අමාත්‍යාංශය අධිකරණ අමාත්‍යාංශය හා එක්ව තෝරාගත් පාසල් 30ක් සඳහා සමථකරණය හඳුන්වා දෙන නියමු ව්‍යාපෘතියක් 2004 දී දියත් කරන ලදී. ව්‍යාපෘතියේ අරමුණට සමපාත වන සේ පාසල් තුළ “පාසල් සමථ ඒකක” පිහිටුවූ අතර, නියමු ව්‍යාපෘතියේ සාර්ථකත්වය මත මෙම වැඩසටහන ජනාධිපති ලේකම් කාර්යාලය මගින් ජාතික පරිමාණයෙන් ක්‍රියාත්මක කරන ලදී.
2005 වසරේ සිට ආසන්න වශයෙන් පාසල් 350 ක පාසල් සමථ ඒකක සාර්ථකව ස්ථාපිත කර ඇත. කලක සිට සිදුකරන ලද සමීක්ෂණවලින් පෙනී යන්නේ 2018දී පාසල් 85ක හා 2019 දී පාසල් 96ක පාසල් සමථකරණ ව්‍යාපෘතිය සක්‍රීය ලෙස ක්‍රියාත්මක වූ බවයි.
ගැටුම් අවම සහ සාමකාමී ඉගෙනුම් පරිසරයක් සහිත පාසල් හරහා සහජීවන සමාජයක් නිර්මාණය කිරීම.
